ဆုတောင်းလျက် စောင့်ကြည့်ပါ

ဝိညာဥ်ရေးရာ တိုက်ပွဲများ တိုက်ခိုက်နေချိန်တွင် ခရစ်တော်၌ ယုံကြည်သူများသည် ဆုတောင်းခြင်းကို အလေးအနက်ထားသင့်သည်။ အမြော်အမြင်မဲ့စွာ ဆုတောင်းသည့် အလေ့အထသည် မည်မျှအန္တရာယ်ကြီးကြောင်း အမေရိကန်နိုင်ငံ၊ ဖလော်ရီဒါပြည်နယ်မှ အမျိုးသမီးတစ်ဦးက သက်သေပြခဲ့သည်။ သူမဆုတောင်းလျှင် မျက်လုံးမှိတ်ထားသည်။ တစ်ရက်တွင် သူမကားမောင်းစဥ် (မျက်လုံးမှိတ်၍) ဆုတောင်းရာ၊ မီးနီကို မမြင်ဘဲ လမ်းဆုံကိုဖြတ်မောင်းပြီး ကားလမ်းဘေးသို့ ချော်ကာ ခြံတစ်ခြံကို ဝင်တိုးတော့သည်။ သူမသည် မြက်ခင်းပြင်မှ နောက်ပြန်ဆုတ်ရန် ကြိုးစားခဲ့သော်လည်း မအောင်မြင်ခဲ့ပေ။ ဒဏ်ရာမရရှိသော်လည်း ဗရမ်းဗတာ မောင်းနှင်မှု၊ အိုးအိမ်ပစ္စည်းဖျက်ဆီးမှုတို့အတွက် ရဲဌာန၏ဆင့်ခေါ်စာ ပေးပို့ခံခဲ့ရသည်။ ဤဆုတောင်းခြင်းသူရဲကောင်းသည် ဧဖက်သြဝါဒစာ ၆:၁၈ မှ နိုးကြားသတိရှိရန် ဟူသည့် အဓိကအချက်ကို လွတ်သွားခဲ့သည်။

ဧဖက်ဩဝါဒစာ ၆ တွင် ဘုရားသခင်ပြင်ဆင်သည့် လက်နက်စုံ၏ အစိတ်အပိုင်းအဖြစ် နောက်ဆုံးသော တန်ဆာပလာနှစ်ခုကို တမန်တော်ရှင်ပေါလု ထည့်သွင်းဖော်ပြထားသည်။ ပထမဦးတစ်ခုမှာ ကျွန်ုပ်တို့သည် ဆုတောင်းခြင်းဖြင့် ဝိညာဥ်ရေးရာ…

ခိုးယူသည့် ချိုချဥ်များ၏ ခါးသီးမှု

ဂျာမနီနိုင်ငံမှ သူခိုးများသည် ချော့ကလက် တန် (၂၀) ကျော်မျှ အပြည့်ပါရှိသည့် ကုန်ကားတစ်စီး၏ အအေးခန်းနောက်တွဲကားကို ခိုးယူခဲ့ကြသည်။ အခိုးခံရသောချော့ကလက်အချိုများက ဒေါ်လာ ရှစ်သောင်းဖိုးမျှ တန်ဖိုးရှိသည်။ ဒေသခံရဲတပ်ဖွဲ့မှ သမားရိုးကျမဟုတ်သည့် နည်းလမ်းဖြင့် ချော့ကလက် အမြောက်အမြားပေးကမ်းလာပါက ရဲဌာနသို့ ချက်ချင်းအကြောင်းကြားရန် ကြေညာထားသည်။ အချိုခဲတစ်မြုံတစ်မကြီးခိုးထားသူများသည် အဖမ်းခံရပြီး၊ တရားစွဲခံရပါက ခါးသီးမှုနှင့် ကျေနပ်ဖွယ်မရှိသော အကျိုးဆက်ကို ဧကန်ရင်ဆိုင်ရမည်ဖြစ်သည်။

သုတ္တံကျမ်းကလည်း ဤသဘောတရားကို အတည်ပြုထားပါသည်။ “လှည့်စား၍ ရသောအစာသည် ချိုမြိန်သော်လည်း စားသောသူ၏နှုတ်သည် ကျောက်စရစ်နှင့် ပြည့်လိမ့်မည်” (သု ၂၀:၁၇)။ လှည့်စား၍ (သို့) မတရားသဖြင့် ရယူထားသည့်အရာသည် အစ၌ စိတ်လှုပ်ရှားစရာ ယာယီဝမ်းမြောက်မှုကိုပေးပြီး ချိုမြိန်သယောင်ဖြစ်သည်။ သို့သော် ထိုအရသာက တဖြည်းဖြည်းပျောက်ပြီး ထိုလှည့်စားမှုက လိုချင်တပ်မက်မှုကို တိုးစေလျက် ဒုက္ခထဲသို့သာ ပို့ဆောင်လိမ့်မည်။ အပြစ်ရှိသကဲ့သို့ခံစားရခြင်း၊ စိုးကြောက်ခြင်း နှင့် ဒုစရိုက်၏ခါးသီးသောဆိုးကျိုးက…

ဘုရားသခင်တစ်ပါးတည်းသာ ပြည့်ဝစေနိုင်သည်

အိမ်တွင်နေနေသူတစ်ဦးထံသို့ ပုဇွန်ထုပ်ကြီးများ၊ ပေါင်မုန့်အသားလိပ်များ၊ အရွက်သုပ်များအပါအဝင် ဒေါ်လာတစ်ထောင်ဖိုးမျှကျသင့်သော စားစရာများ ရောက်လာသည်။ သို့သော် ထိုသူသည် ပါတီပွဲကျင်းပနေခြင်း မဟုတ်ပါ။ ထိုဟင်းပွဲပဒေသာကို သူမှာပင် မမှာယူခဲ့ပါ။ သူ၏ (၆) နှစ်အရွယ် သားလေးက
မှာယူခဲ့ခြင်းဖြစ်သည်။ ဤကိစ္စ မည်သို့ဖြစ်ခဲ့ပါသနည်း။ သူသည် ညအိပ်ရာ မဝင်မီ သူ့သားကို သူ့ဖုန်းနှင့် ကစားခွင့်ပေးခဲ့ပြီး၊ ထိုကလေးက စားသောက်ဆိုင်များမှ ဈေးကြီးသောဟင်းလျာများကို ဝယ်ယူခဲ့သည်။ ဖခင်ဖြစ်သူက “ဘာလို့ ဒီလိုလုပ်တာလဲ”ဟု ဂွမ်းကပ်စောင်အောက်၌ ပုန်းနေသောသားကို မေးရာ၊ ထို (၆) နှစ်သားလေးက “သားဗိုက်ဆာလို့” ဟု ပြန်ဖြေသည်။ သူငယ်လေး၏စားချင်စိတ် အာသီသနှင့် မရင့်ကျက်မှုကြောင့် ငွေကုန်ကြေးကျများခဲ့သည်။

ဧသော၏ စားချင်စိတ်ကြောင့် သူသည် ဒေါ်လာတစ်ထောင်ထက်ပိုသောအရာကို ပေးဆပ်ခဲ့ရသည်။ ကမ္ဘာဦးကျမ်း အခန်းကြီး ၂၅ တွင် “သူသည် ဆာလောင်သဖြင့် ယာကုပ်အား ငါအလွန်ဆာလောင်၏။…

ကံတရားကြောင့်မဟုတ်၊ ခရစ်တော်ကြောင့်သာ

စကြဝဠာအတွင်း ဂြိုဟ်ပေါင်း ၇၀၀ Quintillion (၇ နောက်တွင် သုံည အလုံး ၂၀)ခန့်ရှိကြောင်း ‘Discover’ မဂ္ဂဇင်းက ယူဆထားသည်။ သို့သော် ကမ္ဘာဂြိုဟ်ကဲ့သို့သော ဂြိုဟ်မှာ တစ်လုံးတည်းသာရှိသည်။ ဂြိုဟ်ပေါ်တွင် သက်ရှိများနေထိုင်နိုင်ရန် လိုအပ်ချက်များအနက်မှ တစ်ခုမှာ ‘Goldilocks’ ဇုံအတွင်း၌သာ လမ်းကြောင်းအတိုင်း လည်ပတ်သွားရန် ဖြစ်သည်။ ထိုဇုံအတွင်း၌သာ အပူချိန်သည် မှန်ကန်သင့်တော်မှုရှိပြီး ရေရရှိနိုင်ကြောင်း နက္ခတ္တဗေဒပညာရှင် Erik Zackrisson (အဲရစ် ဇက်ခရီဆန်)က ဆိုသည်။ ဂြိုဟ်ပေါင်း ၇၀၀ Quintillion ထဲမှ ကမ္ဘာဂြိုဟ်တစ်ခုတည်းသာ ထိုအခြေအနေနှင့် ပြည့်စုံပုံရသည်။ တစ်နည်းနည်းဖြင့် ကမ္ဘာဂြိုဟ်သည် အတော်လေးပင်မျက်နှာသာရအလေးပေးခံရသည်ဟု ဇက်ခရီဆန် က နိဂုံးချုပ်ခဲ့သည်။

စကြဝဠာကြီးသည် ကံကောင်းမှုဆောင်ကြဥ်းပေးသောနတ်သမီးကြောင့် မဟုတ်ဘဲ သခင်ယေရှု၏ဖန်ဆင်းခြင်းအမှုကြောင့်သာ တည်ရှိနေသည်ဟု ရှင်ပေါလုက ကောလောသဲယုံကြည်သူများအား အခိုင်အမာပြောထားခဲ့သည်။ တမန်တော်ကြီးက ခရစ်တော်ကို ကမ္ဘာကြီး၏ဖန်ဆင်းရှင်အဖြစ် တင်ပြထားသည်။ “ထိုသခင် အဖို့အလို့ငှာ လည်းကောင်း၊ ခပ်သိမ်းသောအရာတို့သည်…

နိမ့်ကျခဲ့သည်

မာနကို ရှေ့တန်းတင်လျှင် ရံဖန်ရံခါ အရှက်ရမှုနှင့် ကြုံရတတ်ကြောင်း နော်ဝေးနိုင်ငံမှအမျိုးသားတစ်ဦး တွေ့ရှိခဲ့သည်။ အပြေးဝတ်စုံ မဝတ်ထားသည့် လူတစ်ဦးသည် စိတ်ကြီးဝင်လျက် မီတာ (၄၀၀) တန်းကျော်ပြိုင်ပွဲတွင် အနိုင်ရထားသည့် ကမ္ဘာ့ချန်ပီယံ Karsten Warholm (ကာစတန် ဝေါဟုမ်)ကို စိန်ခေါ်ခဲ့သည်။ အားကစားရုံ အတွင်း၌သာ လေ့ကျင့်ရေးဆင်းထားသော ဝေါဟုမ် သည် စိန်ခေါ်မှုကို လက်ခံခဲ့ပြီး သူ့အား အပြတ်အသတ်အနိုင်ယူခဲ့သည်။ ပန်းတိုင်ရောက်သည့်အခါ ထိုလူက အစမကောင်းခဲ့သည့်အတွက် နောက်တစ်ကြိမ်ယှဉ်ပြိုင်လိုကြောင်း ပြောလာသည့်အခါ နှစ်ကြိမ်မြောက် ကမ္ဘာ့ချန်ပီယံသည် ပြုံးရုံသာပြုံးခဲ့သည်။

သုတ္တံကျမ်း ၂၉:၂၃ တွင် “မိမိမာနသည် မိမိကိုနှိမ့်ချလိမ့်မည်။ စိတ်နှိမ့်ချသော သူမူကား၊ ဂုဏ်အသရေကို ရလိမ့်မည်”ဟု ပြောထားသည်။ သုတ္တံကျမ်းတွင် မာနအပေါ် ဘုရားရှင်ကိုင်တွယ်ပုံအကြောင်းအရာသည် ရှောလမုန်မင်းကြီး အနှစ်သက်ဆုံး ခေါင်းစဥ်များအနက် တစ်ခုဖြစ်သည် (၁၁:၂၊ ၁၆:၁၈၊ ၁၈:၁၂)။ ထိုကျမ်းပိုဒ်များတွင်ပါသည့် “ဂုဏ်” (သို့) “မာန်မာန”…

နောက်ထက် ဘက်လိုက်မှု မရှိတော့ပေ

လွန်ခဲ့သောနှစ်များစွာက အမေရိကန်နိုင်ငံ၊ နယူးယောက်မြို့တော် Metropolitan Opera Orchestra သံစုံတူရိယာတီးဝိုင်းအတွက် ပြင်သစ် လေမှုတ်တူရိယာ တီးမှုတ်သူအဖြစ် အရည်အချင်းစစ်ပြိုင်ပွဲသို့ Julie Landsman (ဂျူလီလန်းစ်မန်း) ဝင်ရောက်ယှဥ်ပြိုင်ခဲ့သည်။ ထိုတီးဝိုင်းသည် ဒိုင်များ၏ဘက်လိုက်မှုကို ရှောင်ရှားရန် အရည်အချင်းစစ်ဆေးမှုကို ကုလားကာနောက်ကွယ်တွင် ကျင်းပခဲ့ကြသည်။ လန်းစ်မန်းသည် အကောင်းဆုံးစွမ်းရည်ပြနိုင်ခဲ့ပြီး ပြိုင်ပွဲအဆုံးတွင် အနိုင်ရရှိခဲ့သည်။ သို့သော် ကုလားကာ ရှေ့သို့ သူမထွက်လာသောအခါ အားလုံးသော အမျိုးသားဒိုင်များမှ ဒိုင်အချို့သည် သူမကို လျစ်လျူရှုကာ အခန်းအနောက်သို့ လျှောက်သွားပြီး အခြားသူတစ်စုံတစ်ယောက်ကို ရှာကြည့်နေပုံထင်ရပါသည်။

ဣသရေလလူမျိုးတို့သည် ရှင်ဘုရင်ကို တောင်းသောအခါ ဘုရားသခင်  သဘောတူခဲ့ပြီး အခြားတိုင်းနိုင်ငံများကဲ့သို့ ရုပ်ရည်ရူပကာကောင်းသူတစ်ဦးကို ရှင်ဘုရင်အဖြစ် ပေးအပ်ခဲ့သည် (၁ ရာ ၈:၅၊ ၉:၂)။ သို့သော်လည်း ရှောလုသည် ဘုရင်အဖြစ် အုပ်ချုပ်သောအစောပိုင်းနှစ်၌ပင် ဘုရားသခင်အပေါ် သစ္စာမရှိ၊ နာခံမှု မရှိခြင်းကြောင့်၊ အခြားသော ရှင်ဘုရင်အသစ်တစ်ပါးကို…

အမှားများမှ သင်ယူခြင်း

၁၉၂၉ ခုနှစ်နှင့် ၂၀၀၈ ခုနှစ်များတွင် ဖြစ်ပေါ်ခဲ့သော ကမ္ဘာ့စီးပွားပျက်ကပ်များကဲ့သို့၊ အနာဂတ်ငွေကြေးဆိုင်ရာ အကြပ်အတည်းများကို ရှောင်လွဲနိုင်ရန် စကော့တလန်နိုင်ငံ၊ အီဒင်ဘာ့ဂ်မြို့တွင် Library of Mistakes (ပြုလုပ်မိသောအမှားများ စာကြည့်တိုက်) အဖွဲ့ကြီး ကို တည်ထောင်ခဲ့သည်။ ထိုစာကြည့်တိုက်တွင် အနာဂတ် စီးပွားရေးပညာရှင်လောင်းများကို အသိပညာ၊ ဗဟုသုတ ပေးနိုင်ရန်အတွက် စာအုပ်အမျိုးအစားပေါင်း နှစ်ထောင်ကျော်ကို စုစည်းတင်ပြထားသည်။ စာကြည့်တိုက်မှူးများ၏အဆိုအရ ထက်မြက်သူများသည် မည်သို့ အမှားများကို လုပ်မြဲလုပ်တတ်ကြသည်ကို အဖိုးတန်သင်ခန်းစာဥပမာများ ထည့်သွင်းဖော်ပြထားသည်။ ခိုင်မာသောစီးပွားရေးကို တည်ဆောက်ရန် တစ်ခုတည်းသော နည်းလမ်းမှာ အတိတ်က အမှားများမှ သင်ခန်းစာယူခြင်းဖြစ်သည်ဟု စာကြည့်တိုက်မှူးများမှ ယုံကြည်ကြသည်။

စုံစမ်းခြင်းကို ရှောင်ကြဥ်နိုင်ရန်၊ ခိုင်မာသောဝိညာဥ်ရေးအသက်တာကို  တည်ဆောက်နိုင်ရန် တစ်ခုတည်းသောနည်းလမ်းမှာ အတိတ်က ဘုရားလူများ၏ အမှားများမှ သင်ခန်းစာယူခြင်းဖြစ်ကြောင်း ရှင်ပေါလုက ကောရိန္သုအသင်းသားများအား သတိ‌ပေးခဲ့သည်။ သူတို့သည် မိမိတို့၏ဝိညာဥ်ရေးရာ အခွင့်ထူးများအပေါ် ကိုယ့်ကိုယ်ကို အလွန်အကျူး…

အသက်သရဖူ

အသက် (၁၂) နှစ် အရွယ် LeeAdianez Rodriguez-Espada (လီအဒီယာနက်ဇ် ရိုဒရီဂက်ဇ် အက်စ်ပါဒါ) သည် ၅ ကီလိုမီတာ (၃ မိုင်ကျော်) အပြေးပြိုင်ပွဲတွင် နောက်ကျမည်ကို စိုးရိမ်နေသည်။ သူမ၏စိုးရိမ်စိတ်‌ကြောင့် သူမ၏ပြေးပွဲ စတင်ချိန်ထက် ဆယ့်ငါးမိနစ်စောပြီး မာရသွန်တစ်ဝက်ပြိုင်ပွဲ (၁၃ မိုင်ကျော်)‌ ပြေးမည့်သူများနှင့် သူတာထွက်ခဲ့သည်။ လီအဒီယာနက်ဇ် သည် အခြားအပြေးသမားများနှင့်အတူ တူညီသောစည်းချက်အတိုင်း ရှေ့ခြေနောက်ခြေချကာ မှန်မှန်‌ပြေးခဲ့သည်။ လေးမိုင်တွင် ပန်းဝင်စည်းကို မည်သည့်နေရာတွင်မျှမမြင်ရသောအခါ သူမသည် ပိုရှည်လျားပြီး ပိုမိုခက်ခဲသော အပြေးပြိုင်ပွဲကို ပြေးနေကြောင်း သဘောပေါက်လိုက်သည်။ သို့ရာတွင် ပြိုင်ပွဲမှ နုတ်ထွက်ခြင်းမပြုဘဲ ဆက်လက်ပြေးနေခဲ့သည်။ မာရသွန်တစ်ဝက်ပြိုင်ပွဲဝင်တစ်ဦးသည် အမှတ်မထင် (၁၃.၁) မိုင်ပြေးပွဲကို ပြီးမြောက်ခဲ့ပြီး ပန်းဝင်သူ ၂၁၁၁ ဦးတွင် ၁၈၈၅ အဆင့်ကို ရရှိခဲ့သည်။ ၎င်းသည် မဆုတ်မနစ်သော ဇွဲလုံ့လပေတည်း။

ပထမရာစုနှစ်က…

ဘုရားသခင်၏ကယ်တင်ခြင်း

စိတ်စေတနာကောင်းသော လုပ်အားပေးတစ်ဦးသည် သူ၏ကြိုးပမ်းလုပ်ဆောင်မှုများကြောင့် “ကိုယ်စောင့်နတ်သား” ဟု အခေါ်ခံရသည်။ Jake Manna (ဂျိတ်ခ်မန်နာ)သည် လုပ်ငန်းခွင်တစ်ခု၌ ဆိုလာပြားများတပ်ဆင်နေစဉ် (၅) နှစ်အရွယ် ကလေးမလေးတစ်ဦး ပျောက်သွား၍ သူမအား အပူတပြင်းရှာဖွေမှု၌ သူပါဝင်ကူညီခဲ့သည်။ အိမ်နီးချင်းများက ကားဂိုထောင်များနှင့် ခြံနောက်ဖေးမြေကွက်များ၌ ရှာဖွေနေကြစဉ် မန်နာက အနီးအနားရှိ သစ်ပင်ထူထပ်ရာနေရာသို့ ဦးတည်နေသောလမ်းသို့ လျှောက်သွားသည်။ ထိုတောရှိ စိမ့်မြေထဲ၌ ခါးထိအောင်မြှုပ်နေသော ထိုကလေးမလေးကို သူရှာတွေ့ခဲ့သည်။ စေးကပ်သောရွှံ့မြေထဲသို့ သူသတိနှင့် ကူးဖြတ်ကာ သူမကို နွံထဲမှ ဆွဲထုတ်ခဲ့ပြီးနောက် စိုရွှဲနေသော်လည်း ထိခိုက်မှုမရှိသော သူမအား ကျေးဇူးတင်မဆုံးဖြစ်နေသော သူမ၏မိခင်ထံသို့ ပြန်အပ်ခဲ့သည်။

ထိုကလေးမလေးကဲ့သို့ပင် ဒါဝိဒ်လည်း ကယ်တင်ခြင်းခံခဲ့ရသည်။ ဆာလံ ဆရာက ကရုဏာတော်အား သူ၏စိတ်နှလုံးထဲမှ လိုလားစွာ တောင်းလျှောက်ဟစ်ခေါ်သံကို ဘုရားသခင်တုံ့ပြန်ရန် “စေ့စေ့မျှော်လင့်”ခဲ့ပါသည် (ဆာ ၄၀:၁)။ ဘုရားရှင်ကလည်း တုံ့ပြန်တော်မူခဲ့ပါသည်။ ဘုရားရှင်သည်…

ဘုရားသခင်ထံ လက်မြှောက်အပ်နှံခြင်း

ယုံကြည်ကိုးစားသူတို့ကိုသာ ဘုရားသခင် ကူညီမစပြီး သူ့အကူအညီကို မတောင်းဆိုသူများကိုမူ ကိုယ်တော်မကူညီပါ။ ခရစ်ဝင်ကျမ်းများ၌ အခြေခံထားသည့် အောင်မြင်ကျော်ကြားသော ရုပ်သံဇာတ်လမ်းတွဲ ‘The Chosen’ (ရွေးကောက်ခံရသူ)၌ သခင်ယေရှုအဖြစ် သရုပ်ဆောင်သူ Jonathan Roumie (ဂျော်နသန်ရူမီ)သည် ထိုအချက်ကို ၂၀၁၈ ခုနှစ် မေလ၌ နားလည်သဘောပေါက်ခဲ့သည်။ ရူမီသည် အမေရိကန်နိုင်ငံ၊ လော့စ်အန်ဂျလိစ်မြို့တွင် ရှစ်နှစ်နေထိုင်ခဲ့ပြီး ငွေပြတ်လုနီးပါးဖြစ်ကာ တစ်နေ့စာအတွက်သာ စားစရာရှိပြီး အလုပ်အကိုင်ရရှိရန် အခွင့်အလမ်းလည်း မရှိခဲ့ပေ။ မည်ကဲ့သို့ ရှေ့ဆက်ရမည်ကိုမသိဘဲ ရုပ်ရှင်သရုပ်ဆောင် ရူမီသည် သူ့နှလုံးသားကို သွန်းလောင်းကာ သူ၏အသက်မွေးမှုအလုပ်ကို ဘုရားသခင်ထံ လက်မြှောက်အပ်နှံလိုက်သည်။ “ ‘ကျွန်ုပ်လက်မြှောက်အပ်နှံပါတယ်’ ဆိုတဲ့စကားလုံးတွေနဲ့ ကျွန်တော် တကယ့်ကို ဆုတောင်းခဲ့တယ်။” ထိုနေ့နှောင်းပိုင်း၌ သူ၏စာတိုက်ပုံး၌ ငွေချက်လက်မှတ် လေးစောင်ကို တွေ့ရှိခဲ့ပြီး သုံးလအကြာ၌မူ ‘The Chosen’ ရုပ်သံဇာတ်လမ်းတွဲ၌ သခင်ယေရှုနေရာ၌ သရုပ်ဆောင်ခွင့်ရခဲ့သည်။ သူ၌…